Qaqauziya Xalq Yığıncağı Evgeniya Qutsul barəsində çıxarılan məhkəmə hökmünün qüvvəyə minməsindən sonra muxtariyyət rəhbəri (başqan) vəzifəsini vakant elan edib.
“İki sahil” xəbər verir ki, bu barədə iclasdan sonra deputat Nikolay Ormancı TASS-a məlumat verib.
"Biz Apellyasiya Palatasının 28 may 2026-cı il tarixli qərarı ilə əlaqədar başqan vəzifəsini vakant elan etdik. Vakansiya faktını rəsmən tanıdıq. Bizim Əsas Qanunumuz bu tarixdən etibarən 90 gün ərzində seçkilərin keçirilməsini öhdəmizə qoyur", — deyə Ormancı bildirib.
