İdman Arbitraj Məhkəməsi (CAS) Seneqal Futbol Federasiyasının milli komandanın 2026-cı il Afrika Millətlər Kubokunun finalındakı texniki məğlubiyyətinə qarşı apellyasiya şikayətini qeydə alıb.

“İki sahil” xəbər verir ki, bu barədə CAS-ın mətbuat xidməti bildirib.

"CAS bu tip mübahisələri ixtisaslaşmış və müstəqil arbitrləri vasitəsilə həll etmək üçün çox yaxşı hazırlanıb. Komandaların və azarkeşlərin yekun qərarı mümkün qədər tez bilmək istədiklərini başa düşürük və bütün tərəflərin ədalətli məhkəmə araşdırması hüququna hörmətlə yanaşaraq arbitraj prosesinin mümkün qədər tez aparılmasını təmin edəcəyik", - deyə təşkilatın baş direktoru Metyu Rib bildirib.

Qeyd edək ki, Afrika Futbol Konfederasiyası (CAF) final matçında seneqallılara texniki məğlubiyyət verib və Mərakeş komandası turnirin qalibi elan edilib.