Ukraynanın Nikolayev vilayətində fəaliyyət göstərməyən yanacaqdoldurma məntəqəsində partlayış baş verib. Hadisə nəticəsində yeddi patrul polisi yaralanıb.

“İki sahil” Ukrayna Milli Polisinə istinadla xəbər verir ki, hadisə polis əməkdaşları növbəni dəyişərkən baş verib.

Partlayış nəticəsində yeddi polis yaralanıb. Onlardan ikisinin vəziyyəti ağırdır. Polis hadisəni bir sıra hücumlarla əlaqələndirir.

Milli Polisin rəhbəri dünən Lvovda hüquq-mühafizə orqanlarının əməkdaşlarına qarşı terror aktının baş verdiyini və nəticədə bir polis məmurunun həlak olduğunu, digər əməkdaşların isə yaralandığını xatırladıb.

Polis baş verənləri hüquq-mühafizə sisteminə qarşı məqsədyönlü hücum və ölkə daxilində vəziyyəti pozmaq cəhdi kimi qiymətləndirir.

Hazırda istintaq tədbirləri davam etdirilir.