Bu uğurlu xətt bu gün də möhtərəm cənab Prezident İlham Əliyev tərəfindən ardıcıllıqla davam etdirilir. Dövlətimizin gənclər siyasəti müasir tələblərə uyğun təkmilləşdirilir, gənclərin imkanlarının genişlənməsi üçün yeni mexanizmlər formalaşdırılır. Gənclərin ictimai fəallığını və təşəbbüslərini dəstəkləyən proqram və layihələr dövlətin gənc nəslə verdiyi yüksək dəyərin bariz göstəricisidir.
Nəticə etibarilə, Azərbaycan bu gün həm milli dəyərlərə sadiq, həm də müasir dünyanın çağırışlarına uyğun düşünən güclü gəncliyə sahibdir. 44 günlük Vətən müharibəsində gənclərimizin göstərdiyi qəhrəmanlıq və sarsılmaz iradə bir daha sübut etdi ki, gənclərimiz dövlətimizin ən möhkəm dayağıdır. Müzəffər Ali Baş Komandanın rəhbərliyi ilə qazanılan şanlı Qələbədə onların xüsusi payı var və bu gün biz gənclərimizlə böyük qürur duyuruq.
Bu gün gənclərimizin qarşısında daha geniş üfüqlər və məsuliyyətli hədəflər dayanır. Təhsilindən və peşəsindən asılı olmayaraq hər bir gəncin əsas məqsədi bilikli, təşəbbüskar, qanunlara hörmət edən, milli kimliyinə bağlı, dövlətinə və xalqına sədaqətli layiqli vətəndaş kimi formalaşmaq olmalıdır. Əminik ki, dövlətin göstərdiyi etimad və dəstəyə layiq şəkildə Azərbaycan gəncliyi bundan sonra da ölkəmizin inkişafında aparıcı rol oynayacaq, milli maraqlarımızı daim uca tutaraq yeni nailiyyətlərə imza atacaqdır.
Əziz gənclər, bayramınız mübarək!
Səbinə Xasayeva,
Milli Məclisin deputatı
