Cəlilabad rayonunda Komanlı kəndin ən gözəl guşəsində inşa edilən, Vətən müharibəsi şəhidi Fuad Qubadlının adı verilən bulağın açılışı olub. Rayon rəsmilərin, şəhidin doğmaların, kənd sakinləri və ictimaiyyət nümayəndələrin  qatıldığı mərasimdə çıxış edənlər zəfər  şəhidinin keçdiyi qəhrəmanlıq yolundan geniş söhbət açıblar. O da bildirilib ki, Vətən, torpaq uğrunda canından keçib, ən ali, müqəddəs şəhidlik zirvəsinə ucalanlar heç vaxt unudulmur, daim qəlblərdə yaşayırlar.  Bizim Fuadın da şərəfli ömür yolu zaman-zaman gələn nəsillərə örnək olacaq.

Məlumat üçün deyək ki, şəhid Fuad Cahangir oğlu Qubadlı 16 yanvar 1993-cü ildə Cəlilabad rayonunun Komanlı kəndində dünyaya gəlib. O, Vətən müharibəsi zamanı Xocavənd istiqamətində gedən ağır  döyüşdə  şəhadətə  qovuşub. Ölümündən sonra “Vətən uğrunda”,  “Döyüşdə fərqlənməyə görə”, “Cəsur döyüşçü” medalları və 3-cü dərəcəli “Vətənə xidmətə görə” ordeni ilə təltif edilib.

Zəfər Orucoğlu