Küveytin paytaxt Əl-Küveyt şəhərinin hava limanında təyyarənin göyərtəsində bomba təhlükəsi yarandıqdan sonra sərnişinlər təxliyə edilib.

“İki sahil” xəbər verir ki, bu barədə Küveytin Mülki Aviasiya Administrasiyasının məlumatında deyilir.

Manamadan Küveytə GF213 reysini yerinə yetirən Bəhreynin “Gulf Air” təyyarəsi hava limanına təhlükəsiz şəkildə enib. Küveyt hakimiyyətinin rəsmi nümayəndəsinin sözlərinə görə, sərnişinlər təxliyə edilərək təcrid olunmuş əraziyə yerləşdirilib.

Hadisə nəticəsində zərərçəkən olmayıb, hava limanı fəaliyyətini adi qaydada davam etdirir.

Qeyd olunur ki, təyyarənin göyərtəsində yalan bomba təhdidinə görə məsuliyyət daşıyan şəxs saxlanılıb. Hazırda sərnişinlər standart müayinə prosedurlarından keçirlər.