Braziliyalı hücumçu Neymar Səudiyyə Ərəbistanının "Əl-Hilal" klubu ilə müqaviləsini pozmaq üçün yüksək məbləğdə puldan imtina edib.

“İki sahil” xəbər verir ki, bu barəd Britaniya mətbuatı məlumat yayıb.

"Əl-Hilal" 32 yaşlı hücumçuya 40 milyon avro məvacib ödəməli idi. Lakin Neymar müqavilənin ləğvi üçün həmin ödənişdən imtina edib.

Futbolçu dərhal "Əl-Hilal"dan ayrılmaq və sabiq klubua qayıtmaq məqsədli ilə belə bir addım atıb. 

Qeyd edək ki, Neymar 2023-cü ilin yayından "Əl-Hilal"ın formasını geyinirdi. O, bu mövsüm zədə səbəbindən "Əl-Hilal"ın heyətində bütün turnirlərdə cəmi 2 oyun keçirib. Daha əvvəl Neymarın sabiq klubu "Santos"a qayıdacağı haqda məlumatlar yayılmışdı.