Fransa Liqa 1-də 19-cu turun oyunları keçirilir.

“İki sahil” xəbər verir ki, PSJ evdə "Reyms"lə qarşılaşıb. Görüş 1:1 hesabı ilə başa çatıb.

Bu oyunda Paris təmsilçisinin yeni transferi, gürcü futbolçu Xviça Kvaratsxeliya da iştirak edib. O, start heyətdə meydana çıxaraq komandada debüt edib. 23 yaşlı yarımmüdafiəçi 83-cü dəqiqədə Marko Asensio ilə əvəzlənib.

Xviça 47-ci dəqiqədə Usman Dembelenin vurduğu qolun ötürməsini verib.

Hazırda turnir cədvəlinə 47 xalla PSJ liderlik edir (19 oyuna). "Marsel" 37 xalla 2-ci (18 matç), "Monako" isə 34 xalla 3-cüdür (19 oyuna).

Fransa Liqa 1, 19-cu tur

25 yanvar

"Monako" – "Renn" - 3:2

Qollar: Akliouş, 15, Byeret, 52, Qolovin, 56 – Nagida, 45+1, Qouri, 67

"Strasburq" – "Lill" - 2:1

Qollar: Santos, 70, Emeqa, 74 – Saharoui, 8

PSJ – "Reyms" - 1:1

Qollar: Dembele, 47 – Nakamura, 56