Azərbaycanda parlament könüllüləri layihəsinə başlanılması təklif olunub.

“İki sahil” xəbər verir ki, bu təkliflə Milli Məclisin Gənclər və idman komitəsinin üzvü Müşfiq Cəfərov komitənin bugünkü iclasında çıxış edib.

Onun sözlərinə görə, Milli Məclis əvvəlki çağırışında da bununla bağlı təkliflər var idi, lakin pandemiya səbəbindən reallaşdırıla bilmədi:

"Eyni zamanda idman sahəsinin maliyyələşdirilməsi, buna investisiya cəlb edilməsi ilə əlaqədar Milli Məclisdə dinləmələrin keçirilməsini məqsədəuyğun hesab edirəm. Bundan başqa, komitə üzvlərinin Qarabağ Universitetinə səfəri, orada tələbələrlə görüşlərin keçirilməsi də var. Yaz sessiyası müddətində səfərin reallaşdırılması doğru seçim olardı".