"Ukrayna Müdafiə Qüvvələri Kursk vilayətində Rusiya tərəfində döyüşən Şimali Koreyanın 2 hərbçisini əsir götürüb”.

“İki sahil”in “Ukrinform”a istinadən verdiyi məlumatına görə, bu barədə Ukrayna Təhlükəsizlik Xidməti (SBU) məlumat yayıb.

Qeyd edilib ki, bununla da müvafiq cinayətləri araşdıran və cinayət işi açan Ukrayna Təhlükəsizlik Xidməti KXDR-in Rusiyanın Rusiyaya qarşı müharibədə iştirakına dair təkzibolunmaz sübutlar əldə edib.

Bildirilib ki, onlardan biri 2025-ci il yanvarın 9-da Xüsusi Əməliyyat Qüvvələrinin 84 saylı Taktiki Qrupunun döyüşçüləri, digəri isə Ukrayna Silahlı Qüvvələrinin desantçıları tərəfindən əsir götürülüb.

SBU qeyd edib ki, əsirlər dərhal Cenevrə Konvensiyalarında nəzərdə tutulmuş bütün lazımi tibbi yardımlarla təmin olunublar.

İlkin istintaq hərəkətlərinin aparılması üçün Şimali Koreyalılar Kiyevə aparılıb. SBU onların beynəlxalq hüquqi tələblərə cavab verən lazımi şəraitdə saxlandığını vurğulayıb.

Məhkumlar ukrayna, ingilis və rus dillərində danışa bilmədiklərinə görə onlarla ünsiyyət Cənubi Koreyanın kəşfiyyat xidməti olan NIS ilə əməkdaşlıq edərək koreyalı tərcüməçilər vasitəsilə həyata keçirilir.

Məhərrəm Ağalaroğlu, “İki sahil”