Avropa Komissiyası Rusiyaya qarşı 16-cı sanksiyalar paketi üzrə məsləhətləşmələrə yanvarın 14-də başlayacaq.

“İki sahil” xəbər verir ki, bu barədə RMF FM radiostansiyası Avropa diplomatik dairələrindəki mənbələrə istinadən məlumat yayıb.

Vurğulanıb ki, Avropa İttifaqına sədrlik edən Polşa Rusiya-Ukrayna münaqişəsinin başlanmasının üçüncü ildönümündə - fevralın 24-də yeni məhdudiyyətlər paketi qəbul etməyi planlaşdırır.

Məsləhətləşmələr çərçivəsində Aİ səfirləri 16-cı sanksiyalar paketi ilə bağlı təklif və narahatlıqlarını çatdıracaqlar.