Asiya ölkələri Amerikanın orta mənzilli raketlərinin Filippində yerləşdirilməsi ilə artıq özlərini təhlükədə hiss edirlər.

“İki sahil” xəbər verir ki, bunu Rusiyanın İndoneziyadakı səfiri Sergey Tolçenov TASS-a müsahibəsində bildirib.

“İddia olunur ki, onlar müvəqqətidir, amma biz yaxşı bilirik ki, müvəqqəti olan hər şey, bir qayda olaraq, daimiliyə çevrilir”, deyən diplomat əlavə edib: “ABŞ, Böyük Britaniya və Avstraliya (AUCUS) arasında nüvə sualtı donanmasının yaradılması ilə bağlı eyni üçtərəfli tərəfdaşlıq layihəsi, bizim fikrimizcə, Asiya-Sakit Okean ölkələrinin təhlükəsizliyinə də təhlükədir”.

Onun sözlərinə görə, indoneziyalı tərəfdaşlarının Rusiya tərəfinin arqumentlərini qəbul etdiyini görür: “Əlbəttə, bu regionda NATO və ya amerikalıların dediyi hər şeyi etməyə hazır olan ölkələr var, lakin ASEAN-a üzv ölkələrin əksəriyyəti, o cümlədən İndoneziya müstəqil siyasət yürüdürlər. Onlar NATO-nun bu xəttini qətiyyən bəyənmirlər. Biz bu məsələdə həmrəyik və belə bir xəttin qarşısını almaq üçün birlikdə çalışırıq".

Məhərrəm Ağalaroğlu, “İki sahil”