Aromaterapiya əsrlər boyu insanların ruhi və fiziki sağlamlığını qorumaq üçün istifadə etdiyi qədim bir müalicə metodudur. Bu metod bitki mənşəli, essensial yağların müxtəlif təsirlərindən faydalanaraq insanın fiziki və zehni balansını bərpa etməyə kömək edir. Aromaterapiyanın kömək edə biləcəyi sahələrdən biri də qoxuların ruh halımıza və enerjimizə olan təsiridir.

Sakitləşdirici, gümrahlaşdırıcı və xoşbəxtlik verən qoxuların xüsusiyyətlərinə nəzər salaq:

Lavanda

Lavanda aromaterapiyanın ən məşhur və təsirli sakitləşdirici yağlarından biridir. Bu bitkinin qoxusu, onun təbii olaraq rahatlatıcı və sakitləşdirici xüsusiyyətlərindən irəliləyərək stresin azaldılması və yuxusuzluğun müalicəsində geniş istifadə olunur. Lavanda yağı əzələlərin gərginliyini azaldaraq rahat bir yuxu mühiti yaradır və zehni sakitləşdirir. Bununla yanaşı, lavandanın əhval-ruhiyyəni yüksəltmə və ümumi rifah hissini artırma qabiliyyəti də vardır. Lavanda yağı stresdən uzaqlaşmanıza və daha yaxşı bir yuxu almağınıza kömək edə bilər.

Yasəmən

Yasəmən yağı aromaterapiyada ruhsal gərginliyi azaltmaq və dərin rahatlıq təmin etmək üçün istifadə olunan təsirli bir vasitədir. Bu qoxunun ətirli və mürəkkəb tərkibi zehni sakitləşdirərək emosional balansı bərpa etməyə kömək edir. Yasəmən yağı narahatlıqlarınızı yüngülləşdirir və ruhi gərginliyi azaldaraq harmoniya hissi yaradır. Eyni zamanda, bu yağın xoş qoxusu insanın ruh halını yaxşılaşdırır və stresin azaldılmasına kömək edir.

Nanə

Nanə yağı aromaterapiyanın gümrahlaşdırıcı təsirlərə sahib olan populyar bir komponentidir. Bu yağ xüsusilə zehni aydınlaşdırmaq və konsentrasiyanı yaxşılaşdırmaq üçün istifadə edilir. Nanənin təravətləndirici və stimullaşdırıcı qoxusu yorğunluğu aradan qaldırır və zehni canlılıq gətirir. Günün əvvəlində, iş mühitində və ya zəiflənmiş konsentrasiyanı bərpa etmək üçün ideal seçimdir. Nanə yağı diffuzor vasitəsilə havaya yayılan zaman diqqətinizi artırmağa kömək edir.

Limon

Limon yağı aromaterapiyada canlandırıcı təsiri ilə tanınır və əhval-ruhiyyəni yüksəltmək üçün geniş istifadə olunur. Təzə və təravətli qoxusu insanın ruh halını yaxşılaşdırır, müsbət enerji təmin edir və ümumi əhval-ruhiyyəni artırır. Limon yağı stresin azaldılmasına kömək edərək, zehni yığcamlaşdırır və pozitiv bir atmosfer yaradır. Günün başlanğıcında və ya yorucu anlarda limon yağı ilə diffuzor vasitəsilə hava dəyişikliyi edərək, enerjinizi artırmaq və müsbət düşüncələri təşviq etmək mümkündür. Ayrıca limon yağının təbii antibakterial xüsusiyyətləri də mövcuddur. Bu isə onun təmizləyici təsirini artırır.

Qızılgül

Gül yağı aromaterapiyada təzə və canlı qoxusu ilə seçilir. Bu yağın ətirli və zərif qoxusu emosional rahatlıq təmin edir və ruhu canlandırır. Gül yağı, həmçinin stresin azaldılmasına kömək edir. Teoriyalara əsasən ilk efir yağı X əsrdə İranda qızılgüldən alınımışdır.

Portağal

Portağal yağı aromaterapiyada əhval-ruhiyyəni yüksəltmək və xoşbəxtlik hissi yaratmaq üçün istifadə olunan müsbət təsirli bir yağdır. Portağal yağının tərkibindəki təbii maddələr əhval-ruhiyyəni yaxşılaşdırmağa və stresi azaltmağa kömək edir. Bu yağ gününüzü daha parlaq və müsbət bir şəkildə keçirməyinizə kömək edərək emosional balansı təmin edir. Portağal yağını diffuzor vasitəsilə havaya yayaraq xoş bir atmosfer yarada bilərsiniz. Bu, həmçinin iş mühitində və ya sosial anlarda əhvalınızı yüksəltmək üçün əla bir seçimdir.

Vanil

Vanil yağı şirin qoxusu ilə müsbət emosiyalar təşviq edərək zehni rahatladır və gərginliyi azaldır. Vanil yağını diffuzor vasitəsilə havaya yayaraq həm fiziki, həm də emosional rahatlama təmin edə bilərsiniz. Bu, stresli vəziyyətlərdə özünüzü daha yaxşı hiss etmək üçün mükəmməl bir seçimdir.

Şirin badam

Şirin badam yağı aromaterapiyada rahatlıq və xoşbəxtlik hissini artırmaq üçün istifadə olunan bir yağdır. Bu yağın təbii, incə qoxusu stresin azalmasına və əhval-ruhiyyənin yaxşılaşmasına kömək edir. Bu yağ həm də mənfi enerjilərdən qurtulmağa kömək edir.

Küknar

Küknar yağının qoxusu havanı təmizləməyə, mənfi enerji və stresdən uzaqlaşdırmağa kömək edir. Küknar yağı tənəffüs sistemini rahatlatmaq üçün ideal seçimdir. Küknar yağı zehni aydınlaşdırır və fokuslanmanı artırır. Çətin və ya stresli vəziyyətlərdə bu yağın istifadə edilməsi düşüncə prosesinizi daha aydın və məhsuldar hala gətirə bilər. Bu, həmçinin evdə və ya iş mühitində daha təmiz və canlandırıcı bir atmosfer yaratmağa kömək edir.

Reyhan

Reyhan yağı aromaterapiyada çox yönlü faydaları ilə tanınır. Reyhan yağı canlı və təravətli qoxusu ilə yorğunluq hissini azaldır. Bu yağ zehni aydınlaşdırma və konsentrasiyanı artırma xüsusiyyətinə malikdir. Düşüncə proseslərinizi daha aydın və fokuslu hala gətirir. Reyhan yağı emosional balansı təmin etməyə, stresi azaltmağa kömək edən təsirli bir yağdır. Reyhan yağı antiseptik xüsusiyyətləri ilə tanınır və havanı təmizləməyə kömək edir. Evinizdə və ya iş mühitinizdə təmiz və təravətli bir atmosfer yaratmaq üçün ideal bir seçimdir. Bu yağın istifadəsi həm fiziki, həm də zehni rahatlama və canlılıq təmin etməyə kömək edəcəkdir.

Nigar Orucova, “İki sahil”