22-23 Avqust tarixlərində Azərbaycan Resbublikasının Prezidenti İlham Əliyevin  Özbəkistan səfərini tarixi səfər, tarixi hadisə kimi qiymətləndirmək olar. Belə ki, bu gün hər iki dövlət başçısı beynəlxalq səviyyədə iqtisadi və enerji layihələrinin həyata keçirilməsi üçün faydalı əməkdaşlıq edir. İki dövlətin şirkətləri - SOCAR və " Uzbeknefteqaz" ASC Azərbaycan və Özbəkistan nneft yataqlarının birgə işlənməsi, yeni layihələrin həyata keçirilməsi üçün əməkdaşlıq edirlər. Bu etibarlı münasibətlərin inkişafı dövlətlər arasındakı əlaqələri yaxınlaşdırmaqla yanaşı, iqtisadi baxımdan da tərəflərə faydalı olacaq. İmzalanan sənədlər hər iki ölkə arasında insan hüquqlarının qorunması, iqtisadi ticarət, turizm və digər sahələri əhatə edir. Qarşılıqlı faydalı əməkdaşlıq iqtisadi inkişafa və siyasi gücün artımına xidmət edir.

Bu tarixi səfərdə hər iki ölkənin liderləri tək iqtisadi deyil, həm də siyasi sahədə də birgə addımların əsasını yaratdılar. Belə ki, bu iki ölkə Türk Dövlətləri Təşkilatı, MDB, BMT, İslam Əməkdaşlıq Təşkilatı kimi beynəlxalq qurumlarda səmərəli əməkdaşlıq edir.

Bunu qeyd etmək istərdim ki, baş tutan görüşdə Özbəkistan Respublikasının Prezidenti Şavkat Mirzoyev öz çıxışında iş adamlarının, şirkət və müəssisələrin qarşılıqlı əməkdaşlığının çox vacib olduğunu vurğulayıb. Bu əməkdaşlığı genişləndirmək üçün hər iki dövlət lazım olan bütün imkanları yaradacaqdır. Azərbaycan Respublikasının Prezidenti isə öz çıxışında qeyd etmişdir : " Hər iki ölkənin iqtisadi potensialı ticarət dövriyyəsinin artırılmasına imkan verir və bu istiqamətdə biznes strukturları daha fəal olmalıdırlar. "

Hər iki dövlət arasında əsası qoyulan layihələrin həyata keçirilməsi nəticəsində iki ölkədə də yeni iş yerlərinin yaradılmasına və əhalinin sosial - iqtisadi inkişafına böyük təkan verəcək.

 İyunun 6-da keçirilən TÜRKPA - nın növbəti görüşündə Özbəkistan Ali Senat sədri Xanım Tənzilə Nabayevanın ölkə prezidenti haqqında dediyi xoş sözlər : "Həqiqətən ölkə Pezidenti İlham Əliyev Türk dövlətləri birliyinin aparıcı, inamlı və cəsarətli liderdir." Bu görüş əvvəlki görüşlər kimi daha da güclənmək, strateji tərəfdaşlığın möhkəmlənməsinə, sarsılmaz birliyə , Dünya gücü olmağa xidmət edir. Məhz etibarlı münasibətlərin göstəricisi, siyasi əlaqələrin genişlənməsi, Türk dövlətlərinin bir-birinə dəstək verməsi hər bir sahədə inkişafın daha möhkəmlənməsidir.

Bu gün dünyanın üzləşdiyi geosiyasi və təhlükəsizlik çağırışlarının artdığı bir vaxtda Türk dövlətlərinin vahid güc kimi çıxış etməsi zəruridir. Keçən görüşdə Azərbaycan, Qazaxıstan və Özbəkistan enerji layihəsi (Yaşıl dəhliz) alqışlanmışdı. Ümumiyyətlə Türk birliyinə xidmət edən iqtisadi və siyasi addımların hamısı gerçəkləşir və öz tövhələrini verir. Yaxşı xatırlayıram ki, 6 İyunda keçirilən TÜRKPA - nın görüşündə çıxış edən Prezident İlham Əliyev qeyd etmişdir : "Mən hesab edirəm ki, ildə bir dəfə Zirvə görüşünün keçirilməsi kifayət etməz. Çünki, həm sürətli, davamlı təmaslara ehtiyac var, həm də hər bir görüş birliyimizin güclənməsinə istiqamətlənmiş növbəti addım olur. Bu günkü Türk dövlətləri təçkilatının tarixinə baxsaq görərik ki, böyük yol keçmiş bir təçkilatdır. Türk dünyası böyük bir ailədir, böyük coğrafiyanı əhatə edir, böyük bir güc potensialıdır. Biz bu potensialı Dünya miqyasında böyük gücə çevirəcəyik."

Nuriyyə Hüseynova,
R.Əliyev adına 254 №- li tam orta məktəbin müəllimi,
YAP Xətai rayon təşkilatının üzvü