Mental sağlamlıq, bir insanın emosional, psixoloji və sosial vəziyyətini əhatə edir. Mental sağlamlıq yaxşı olduğunda, insanlar özlərini rahat, balanslı və həyatdan məmnun hiss edirlər. Ayrıca, digər insanlarla münasibətlərdə, işdə və şəxsi həyatda müsbət bir şəkildə fəaliyyət göstərə bilirlər. Mental sağlamlıq, psixoloji və emosional tarazlığı qorumaq və inkişaf etdirmək üçün müxtəlif strategiyaları və müalicə üsullarını əhatə edir.

Mental sağlamlıq mütəxəssisləri, psixoloji sağlamlığımızı qorumaq və yaxşılaşdırmaq üçün müxtəlif strategiyalar təqdim edirlər. Budur, bu strategiyalardan bəziləri və elmi araşdırmalar əsasında tövsiyələr:

Daimi fiziki aktivlik

Amerikan Psixoloji Assosiasiyasının (APA) araşdırmasına görə, fiziki aktivlik, depressiya və narahatlıq simptomlarını azalda bilər. Fiziki aktivlik zamanı sərbəst buraxılan endorfinlər ruh halını yaxşılaşdırır və stresslə mübarizə etməyə kömək edir. Apa – ya görə həftədə ən azı 150 dəqiqə orta intensivlikdə fiziki aktivlik tövsiyə olunur.

Sağlam qidalanma

ABŞ – ın Milli Mental Sağlamlıq İnstitutu balanslı bir diyetanın mental sağlamlıq üzərindəki müsbət təsirlərini vurğulayır. Omega-3 yağ turşuları, tam taxıllar, meyvə və tərəvəzlər beyin funksiyalarını dəstəkləyə bilər və ruhsal sağlamlığı yaxşılaşdırır.

Kifayət qədər yuxu

Amerikanın Milli Yuxu Fondunun araşdırmasına görə,  yuxu çatışmazlığı mental sağlamlıq üzərində mənfi təsir göstərə bilər. Milli Yuxu Fondu, yetgin insanların hər gecə 7-9 saat yuxu almasını tövsiyə edir. Düzgün yuxu rejimi mental rifah üçün kritik əhəmiyyətə malikdir.

Stressin idarə edilməsi

ABŞ-ın Mayo klinikası stresslə başa çıxmaq üçün mindfulness (şüurlu olma) və rahatlama texnikalarını tövsiyə edir. Meditasiya, yoga və dərindən nəfəs alma məşqləri stress səviyyələrini azalda bilər və ümumi mental sağlamlığı yaxşılaşdıra bilər.

Sosial dəstək

Böyük Britaniyanın xeyriyyə təşkilatı olan Mental Sağlamlıq Fondu güclü sosial əlaqələrin mental sağlamlıq üzərində müsbət təsir yaratdığını qeyd edir. Ailə və dostlarla keyfiyyətli vaxt keçirmək emosional dəstək təmin edir və təkliyə qarşı mübarizə aparmağa kömək edir.

Hobbilər və maraqlar

Harvard Sağlamlıq Nəşri hobbilər və yaradıcı fəaliyyətlərin mental sağlamlığı dəstəklədiyini vurğulayır. Bu fəaliyyətlər stressin azalmasına və özünüzü yaxşı hiss etmənizə kömək edə bilər.

Peşəkar yardım

Amerikan Psixoloji Assosiasiyası mental sağlamlıq problemləri yaşandığında peşəkar yardım almağın əhəmiyyətini vurğulayır. Bir terapevt və ya məsləhətçi ilə danışmaq emosional dəstək təmin edə bilər və problemlərin həllinə kömək edə bilər.

Nigar Orucova, “İki sahil”