"Yuventus"un futbolçusu Pol Poqba karyerasını Səudiyyə Ərəbistanında davam etdirə bilər.
“İki sahil” xəbər verir ki, bu barədə italiyalı jurnalist Romeo Aqresti məlumat yayıb. O, fransalı yarımmüdafiəçinin "Əl-İttihad"la danışıq aparmaq üçün ötən həftənin sonunda Səudiyyə Ərəbistanına getdiyini bildirib.
Qeyd edək ki, Poqbanın iki həmyerlisi, Nqolo Kante və Kərim Benzema bu yay "Əl-İttihad"a keçib.
30 yaşlı Poqbanın "Yuventus"la müqaviləsi 2026-cı ilin iyununa qədərdir. Ötən mövsüm zədə səbəbindən yarımmüdafiəçi bütün yarışlarda cəmi 10 oyun keçirib.
