“Torino” Nikola Vlaşiçi transfer etməyə qərar verib.

“İki sahil” xəbər verir ki, İtaliya klubu yarımmüdafiəçinin müqavilə ilə məxsus olduğu “Vest Hem”lə danışıqlara başlayıb.

A seriyası təmsilçisi keçid üçün 8 milyon avro təklif edib. Düzdür, “Torino” onu icarəyə götürərkən müqaviləsində sonradan transfer olunması üçün 13 milyon göstərilib.

Turinlilərin baş məşqçisi İvan Yuriç futbolçunu komandasında görmək istəyir. Klub rəhbərliyi bunun üçün 8 milyon ödəməyə razıdır.

Qeyd edək ki, “Vest Hem” xorvat yarımmüdafiəçini 2021-ci ildə MOİK-dən 30 milyon avroya alıb.