"İnter"in baş məşqçisi Simone İnzaqi Çempionlar Liqasının 1/8 finalında "Portu"ya 1:0 hesabı ilə qalib gəldikləri ilk matçı şərh edib.

“İki sahil” xəbər verir ki, o, fiziki cəhətdən hazır və texniki cəhətdən yaxşı olan rəqibə qarşı yaxşı oynadıqlarını bildirib: "İlk hissəyə görə təəssüflənirik, çünki önə keçə biləcəyimiz bir neçə qol epizodumuz var idi. İkinci hissədə “Portu” təhlükəli əks-hücum etdi. İlk hissədə topu ötürməkdə daha sürətli olmalıydıq. Biz daha yaxşı və daha sürətli hərəkət etməliydik. Amma rəqiblərimiz bizi əsəbi şəkildə sıxdılar. Topu ötürərkən tempi artırmalı olduq".

Mütəxəssis əvəzetmələrin komandasına kömək etdiyini vurğulayıb: "Oyun ərzində Şkrinyar və Onana tərifdən artıq oynadılar. Əvəzetmələr də bizə çox kömək oldu".