Portuqaliya millisinin və Səudiyyə Ərəbistanının "Əl Nəsr" klubunun futbolçusu Kriştianu Ronaldu karyerası ərzində qazandığı ən vacib titulu açıqlayıb.
“İki sahil” xəbər verir ki, 38 yaşlı hücumçu "LiveScore" telekanalına müsahibəsində 2016-cı ildə əldə etdikləri Avropa çempionluğunun daha dəyərli olduğunu söyləyib.
Təcrübəli forvardın sözlərinə görə, ölkəsi üçün nəsə qazanmaq əla hissdir: "Belə anlarda həm oyunçu, həm kişi, həm də ata kimi böyüyürsən".
Qeyd edək ki, Portuqaliya millisi AVRO-2016-nın finalında Fransa yığmasını 1:0 hesabı ilə məğlub edərək titula sahib çıxıb. Ronaldu zədə səbəbindən həlledici matçda sonadək oynaya bilməyib.
