İranda 2022-ci ildə başlayan hökumət əleyhinə etirazlar yeni ildə də davam edib. Bu məsələ ilə bağlı reportaj hazırlamaq ölkəyə buraxılmayan, gündəlik təzyiqlərə məruz qalan və vətənlərində ailələri təqib edilən “BBC fars” Xidməti jurnalistləri üçün davam edən problemdir.

Sentyabr ayında 22 yaşlı Məhsa Əmininin həbsdə öldürülməsi məcburi hicaba və digər məhdudiyyətlərə qarşı kütləvi etirazlara səbəb oldu və rejimin dəyişdirilməsi çağırışlarına başlanılan İranda o vaxtdan qarışıqlıq hökm sürür.

Bu, “BBC farsca” jurnalistləri üçün gecə-gündüz işləmək demək idi. Amma İranda baş verən hadisələr haqqında reportaj hazırlamaq təkcə maddi-texniki problem deyil, həm də onun ciddi şəxsi nəticələri var. İran hökuməti tərəfindən edilən təqiblər jurnalistlərin həyatı üçün problemlər yaradır.

2022-ci ilin oktyabrında İran Xarici İşlər Nazirliyi bəyanat yayaraq, terrorizmi dəstəkləmək, zorakılıq, nifrət və insan haqlarının pozulmasını təhrik edən məqsədyönlü hərəkətlərinə görə sanksiya tətbiq edilən şəxslər və təşkilatların siyahısında “BBC farsca”ın adını çəkdi. “BBC farsca” jurnalistləri onlayn ölüm hədələri və dəhşətli zorakılıq hədələri və minlərlə təhqiramiz şərhlərlə qarşılaşdıqlarını deyirlər.

Onlar BBC-də işləməyə davam etdiyi üçün İrandakı ailə üzvlərinin də dindirilmələrə çağırılma və təhdidlər daxil olmaqla, artan və şiddətli təqiblərə məruz qaldıqlarını bildirirlər.

BBC-nin farsca xidməti - "BBC Fars"

BBC Dünya Xidmətinin bir hissəsidir, fars dilində yayımlanır. İranda bu kanal qadağandır, lakin oradakı insanlar onu peyk, rəqəmsal platformalar və radio vasitəsilə izləyə bilirlər - İranda və bütün dünyada hər həftə 18,5 milyon tamaşaçıya çatır.

İran rəsmiləri “BBC Fars”a daha müsahibə vermirlər, lakin xidmət öz işıqlandırmasının bir hissəsi kimi hökumətin hadisələrlə bağlı hesabını əks etdirir.

Bəzi İran müxalifəti onu tez-tez "Ayətullah BBC" adlandırır və onu 43 il əvvəl ruhani sistemin hakimiyyətə gətirməsində rol oynamaqda və İran rejiminin tərəfində olmaqda ittiham edirlər.

Jurnalistlərinin ölkədəki aktivləri 2017-ci ildən dondurulub və onların ailələri dindirilib, bəzi hallarda isə həbs edilib.

Nubar Süleymanova, “İki sahil”