12 dekabr tarixi müasir dövlətçiliyimizin banisi, ümummilli liderimiz Heydər Əliyevin həyatla cismani vidalaşdığı gündür. Böyük şəxsiyyətin yoxluğundan 19 il keçməsinə baxmayaraq, Azərbaycan  xalqı öz xilaskarını heç zaman unutmur, daim  onu  ehtiramla yad  edir. Tək 12 dekabr günündə deyil, adi  vaxtlarda  da insanlar Fəxri xiyabana gedərək onun məzarını ziyarət edir, ruhu qarşısında baş əyirlər. Ulu  öndərin  əbədiləşən  ömür  yolunu  düşünəndə belə qənaətə gəlirik ki, ömrünü xalqına həsr edən,milləti, dövləti  üçün  misilsiz  xidmətlər göstərən rəhbərlər heç zaman unudula bilməz.

Ulu öndər Azərbaycan xalqının yaddaşında qurucu və xilaskar dövlət xadimi, milli lider və xalq  məhəbbətini qazanan öndər kimi qalmışdır. Xalqımızın tarixi taleyində, mənəvi,siyasi və ictimai həyatında,dövlət quruculuğunda onun qədər misilsiz xidmətlər göstərən  ikinci dövlət adamı tapmaq mümkün deyil -dir.Bu mənada o, xalqımızın milli iftixarı, ürəklərimizdə özünə yer tapan milli liderimiz, güvənc  yerimiz, qürur  duyduğumuz  və  arxa  bildiyimiz böyük Azərbaycanlı idi.

Heydər Əliyev dünyanın nadir, unikal, seçilən siyasət adamı idi. O, dünya siyasətinə  təsir  etmək  gücündə  olan  lider idi. Liderlər  var ki, siyasi fəaliyyət, dövlət idarəetməsi sahəsində uzun illər çalışıb püxtələşəndən sonra tanınırlar. Elə adamlar da var ki,bu,onlarda fitrən mövcuddur,genlərində kodlaşdırılıb,bir sözlə, ilahi vergidir.Heydər Əliyev məhz ikincilərdəndir.

Ulu öndər Heydər Əliyev böyük siyasət üçün yaranan, təkcə bir ölkə miqyasında yox, dünya əhəmiyyətli məsələlərin həllində qətiyyətli sözünü deyə bilən nadir siya- sətçi idi.Onun bu sahədəki fitri istedadı və fövqəladə qabiliyyəti,hadisələrin və tarixin gedişatını öncə görmək məharəti siyasət aləminə qədəm qoyduğu ilk gün- dən büruzə vermişdi.

Ulu öndərin atdığı addımlar,irəli sürdüyü problemlər, qəbul etdiyi qərarlar, söylədiyi  fikirlər  öz  aktuallığı, düzgünlüyü  və  obyektivliyi  və  hər cəhətdən ölçülüb  biçildiyindən  ətrafdakıları  heyrətləndirmiş, siyasət aləminin patriarxı adını qazanmışdır. Hətta  dünyanın  ən  görkəmli  siyasət  və dövlət xadimləri Heydər Əliyevlə məsləhətləşdiklərini,ondan öyrəndiklərini etiraf etmişlər.

Ümummilli liderin siyasətinin gücu—siyasi uzaqgörənliyində,fitri isteda -dında,   müdrikliyində,  ölçülüb-biçilmiş  qərarlarında, qətiyyətliyində, siyasi iradəsində, dərin zəkasında, ensiklopedik biliyə malik olmasında, geniş dünya- görüşündə, milli maraqlara  əsaslanmasında, tarixi  şəraitdən düzgün baş çıxar -masında, zaman və məkan amilini qiymətləndirilməsində, dözüm və səbirliyin -də,nəzəriyyəyə istinad etməsində və praktik həyatdan baş çıxarmasında-bir söz- lə, fenomenal şəxsi keyfiyyətlərində idi.

Heydər Əliyevin siyasəti milli maraqlar üzərində qurulmuşdu.Xalqımızın və dövlətimizin elə bir problemi olmamışdır ki,həmin problemləri kimsə onun yük- səkliyində dərk etmiş olsun. O, hər  hansı  problemə  həsr  olunmuş  yığıncaqda məsələyə dərindən bələdliyi ,verdiyi suallar, qaldırdığı problem məsələlərə həm- in sahənin mütəxəssislərini belə heyrətləndirirdi. Çünki o, istər sənaye, istər kənd təsərrüfatı, istərsə də elm, maarif, mədəniyyət ilə bağlı məsələlərin müzakirəsində bütün iştirakçıları həmin sahənin əvəzedilməz bilicisi kimi idarə edirdi.Onun kimi təsərrüfatı təsərrüfatçıdan, tariximizi tarixçidən, incəsənətimizi sətənşünas- dan,iqtisadiyyatı iqtisadçıdan yaxşı bilən,onun problemlərini həll etməyə istiqamətləndirən ikinci adam tapmaq mümkün deyil.

Heydər Əliyev qlobal düşüncəli, geniş dünyagörüşlü nəhəng bir siyasətçi idi. O, realist bir insan olaraq hadisələrə praqmatik yanaşırdı, tarixi şəraitdən düzgün baş çıxarırdı, ölkənin taleyi üçün uğurlu qərarlar qəbul edirdi.Onun ağıllı və uzaqgörən siyasətində hər şeyin öz yeri və vaxtı var idi.O, beynəlxalq aləmdə tarazlaşdırılmış siyasətin, ölçülüb-biçilmiş fəaliyyətin ustadı idi.

Ulu Öndərin dərin məntiqi nitqi, natiqlik məharəti, söz seçmək bacarığı,audi- toriya  ilə  ünsiyyət qurmaq səriştəsi onu dinləyənləri məftun edirdi. Onun nitqi dərin və konkret idi, müzakirə olunan məsələni yüksək səviyyədə ümumiləşdir -mək bacarığına malik idi.Heydər Əliyevin nitq və çıxışlarında artıq söz və ifadə, qeyri-dəqiq fakt və rəqəm olmur, fikirlərini  son dərəcə cilalanmış şəkildə ifadə edirdi. O, məsələnin  mahiyyətini  açmağa, mövzunun  milli mənafe, dövlətçilik mövqeyindən təhlil etməyə xidmət edən məsələni ustalıqla göstərməyi bacarırdı.

Dünyada tarix yazanlar çox olsa da,tarix yaradanların sayı azdır. Çünki tarix yaratmaq  tarix  yazmaqdan qat-qat çətin və məsuliyyətlidir. Ulu  öndər Heydər Əliyev də tarix  yaradan  dahi  şəxsiyyətlərdəndir. Onun  Azərbaycana  rəhbərlik etdiyi dövrlər-istər SSRİ dövründə (1969-1982-ci illər), istərsə müstəqillik döv- ründə (1993-2003-cü illər) gördüyü  bütün  işlər  sözün  həqiqi mənasında milli tarixin parlaq səhifələrindəndir, milli tarixin yaradılması illəridir. Ötən yüzillikdə cərəyan edən hadisələrin təhlili göstərir ki,respublikanın müstəqilliyə gedən yolu 1969-cu ildən başlayaraq  Ulu  Öndər  Heydər Əliyev  ikinci  dəfə  Azərbaycana rəhbərlik etdiyi dövrdə həyata keçirilən siyasətlə tamamlanıb. Zaman və ictimai-iqtisadi formasiya baxımından kifayət qədər fərqli olan hər iki tarixi dövrün əsas  ortaq cəhətləri isə ulu öndərin Azərbaycana böyük nailiyyətlər qazandıran fəda -kar  xidməti , eləcə də ölkənin  inkişafında  yeni  implus  və  tərəqqi meyllərinin geniş vüsət alması olub. Heydər Əliyevin hələ  Sovet  Azərbaycanına  rəhbərliyi dövründə  həyata  keçirdiyi  çoxşaxəli  fəaliyyəti  xalqımızda  milli  qürur, milli mənlik şüurunun formalaşmasına, azadlıq, müstəqillik duyğularının  baş qaldır- masına gətirib çıxarmışdır. 

Ulu Öndər həmişə, hər zaman ,ən ağır anlarda belə, xalqı ilə bir olmuş, xalqı -nın səsinə səs vermişdir. 1990-cı ilin  20 Yanvar faciəsinin səhəri günü Heydər Əliyevin  Azərbaycanın  Moskvadakı  nümayəndəliyinə gəlib həyatını təhlükə qarşısında qoyaraq M.Qorbaçovun mənfur antiazərbaycan siyasətini ciddi tənqid etməsi, bu hadisələrdə bilavasitə onu günahlandırması göstərir ki, ümummilli lider öz xalqı üçün haqqın yolunda canını qurban verməyə həmişə hazır olan bir şəxsiyyət, böyük Azərbaycanlı olmuşdur.

Ümummilli lider Heydər Əliyevin ikinci dəfə, ölkəmizin üçün həlledici bir məqamda hakimiyyətə gəlişi Azərbaycanın müasir tarixinin şərəfli səhifələrinin yazılmasına və dövlətimizin müstəqilliyinin əbədiliyinə hərtərəfli zəmin yarat- mış oldu.

Heydər Əliyevin ikinci dəfə Azərbaycanda hakimiyyətə gəlişi nəticəsində Azərbaycanı parçalanmadan, xalqı məhv olmaq təhlükəsindən, vətəndaş mühari- bəsindən, qardaş qırğınından, dövlət çevrilişlərindən, özbaşnalıqlardan xilas etdi və xalqımıza yeni, firavan, ildən-ilə gözəlləşən bir həyat, müstəqil Azərbaycan bəxş etdi. Bu, Heydər Əliyev ömrünün yeni bir qəhrəmanlıq tarixi idi.

Ulu Öndər Heydər Əliyevin işıqlı ömür səhifələrindən bir də müqəddəs ailə tarixini yaratmasıdır. O, öz ailəsinə, həyat yoldaşı, unudulmaz Zərifə xanıma olan məhəbbəti, sevgisi münasibəti ilə müqəddəs bir ailənin tarixini yaradıb. Bu müdrik insan ailə həyatı üçün nəinki varından, dövlətindən, vəzifəsindən, hətta canından  belə  keçməyə  hazır  olduğunu  sübut  edib. Heydər Əliyevin  Zərifə xanımla bağlı xatirələri,  söhbətləri,  duyğuları ülvi olduğu qədər ibrətamizdir. Həyacanlı olduğu  qədər doğma, əziz, müqəddəsdir. Bu sevgi ilahi hisslərlə zəngin olduğu kimi, bəşəri dəyərləri ilə də alidir, əbədidir. Biz Heydər Əliyevin bu ilahi sevgi, Zərifə xanıma olan sonsuz məhəbbəti qarşısında kövrəldiyinin, gözlərinin dolduğunun şahidi olmuşuq. O, əlini Zərifə xanımın heykəlinə toxunduranda ən çətin anlarda titrəməyən, əsmək bilməyən əllərinin əsdiyini, yaşarmayan gözlərinin yaşardığını görmüşük  və  bu müqəddəs ali eşqin qarşısında baş əymişik. Ulu Öndər bu sevgi ilə milyonlara nümunə və örnək ola biləcək bir məhəbbətin tarixini yaradıb. Daim əzizlənən, qorunan, ucaldılan bir eşqin abidəsini ucaldıb.

Xalqımızın görkəmli oğlu Heydər Əliyevin irsi olduqca zəngindir. Öz həyat və fəaliyyəti ilə ölməzlik zirvəsinə yüksələn Heydər Əliyevin ömür yolu bizim üçün həyat məktəbidir. Çünki o böyük insanın ömür yolu Azərbaycan tarixinin şərəfli bir hissəsidir. Biz  o  tarixi  öyrənməli  və  bizdən  sonra gələn nəsillərə çatdırmalıyıq.

Əminik ki, bu gün daim azərbaycanlı olması ilə fəxr edən Heydər Əliyevin ruhu şaddır. Xilaskar olduğu müstəqil Azərbaycanın ərazi bütövlüyü onun ideya və   əməllərini  davam  etdirən,  yarımçıq qalmış arzuları ilə bağlı vəsiyyətlərini gerçəkləşdirən, layiqli varisi cənab Prezident, Ali Baş Komandan İlham Əliyevin rəhbərliyi altında bərpa edilmiş, 30  ildən bəri düşmən nəzarətində olan Qarabağ əbədi azadlığa qovuşmuşdur. Heydər Əliyevin  böyük  siyasəti  qalib  gəlməklə onun ölməzliyini bir daha təsdiqləmişdir.

Zaman dəyişsə də tarix əbədidir. Bu dünyada yeni bir tarix yaradan dahi insan Heydər Əliyev də əbədidir. Nə qədər bəşəriyyət var, Azərbaycan, azər- baycançılıq var,müdrik insanları qiymətləndirənlər var, Heydər Əliyev yaşayır və yaşayacaqdır.

Bütün bunlara görə qədirbilən xalqımız ümummilli lider Heydər Əliyevin əziz xatirəsini daim yüksək tutur, onun müqəddəs ruhu qarşısında baş əyir və Uca Yaradandan Unudulmaz Öndərinə qəni-qəni rəhmət diləyir!

Əlipənah Həsənov, 
Bakı şəhəri, Heydər Əliyev adına liseyin tarix müəllimi