Tahir Məmmədov,
Yeni Azərbaycan Partiyası Veteranlar Şurasının üzvü,
siyasi elmlər üzrə fəlsəfə doktoru
Günün bəxtına bax...Günün uğuruna fikir ver... O gündən üzü bəri xalqımızın, dövlətimizin bəxtinə işıq düşməyə başladı.Parcalanmaqda, dağılmaqda olan bir ölkənin, bir –birindən qopmaqda, bir-birinə yadlaşmaqda olan millətin, xalqın taleyinə Heydər Əliyev böyüklüyü, əzəməti, sevgisi, inamı və ədaləti təzədən boy göstərməyə başladı. Məhz həmin gün – 1991- ci ilin sentyabın 3- də dünya şöhrətli dövlət xadimi Heydər Əliyev qədim Azərbaycanın ayrılmaz hissəsi olan Naxçıvan Muxtar Respublikası Ali Məclisinin fövqaladə sessiyasında minlərlə insanın təkidi, tələbi ilə səs çoxluğu və yekdilliklə Ali Məclisin Sədri seçildi. Elə o gündən görkəmli dövlət xadimi Hedər Əliyevin ölkəmizin müstəqilliyinin,tərəqqisinin gələcək inkişafının fəaliyyəti ilə bağlı tarixi, siyasi gedişlərinin parlaq səhifələri açılmağa başladı. Beləliklə həmin dövrdə dahi şəxsiyyət Heydər Əliyev öz zəngin, böyük rəhbərlik, idarəçilik təcrübəsini milli qurtuluşun, milli dövlətcilik quruculuğunun təməlləri üzərində qurmağa yönəltdi.
O illərin acı xatirələri indi çox adamın yadındadır,-O zaman ölkədə anarxiya hökm sürür, hərci-mərcilik getdikcə baş alıb gedirdi. Naxçıvan Muxtar Respublikası isə blokada şəraitində olmasına baxmayaraq 1990-1991–ci illərdə Azərbaycan hakimiyyəti Muxtar Respublika üzərində siyasi oyunlar qurur, bu bölgənin vəziyyətini daha da mürəkkəbləşdirməyə çalışırdı. Naxçıvanda hakimiyyətə gələn ulu öndər Heydər Əliyev dərhal islahatlara başladı, həyata keçirdiyi əhəmiyyətli, zəruri tədbirlər nəticəsində əvvəlcə sabitliyin,əmin-amanlığın təməlləri qoyuldu. Sosial-iqtisadi vəziyyətin normallaşdırılması önə çəkildi,- bu da həmin dövr üçün böyük bir önəm kəsb edirdi.Aqrar islahatlar reallaşdırıldı, vacib infrastrukturun tərəqqisi üçün həyati məsələlər həyata keçirildi. Dünya şöhrətli dahi siyasi xadim olan Heydər Əliyev Naxçıvanda regional məsələlərlə birgə həm də qlobal beynəlxalq problemlərin həllini də unutmur, bu sahədə geniş məqsədyönlü ictimai-siyasi işlər aparırdı.Məhz həmin dövrlərdə qardaş Türkiyə ilə həmçinin İranla qarşılıqlı əməkdaşlığa və tərəfdaşlığa önəm verən ilk rəsmi təmasların həyata keçməsinə başladı.Blokada vəziyyətində qalan Muxtar Respublikanın inkifafı istiqamətinə məqsədyönlu tələblərin həyata keçirilməsi üçün irəliyə doğru start götürməyə başladı.
Ali Məclisin Sədri Heydər Əliyevin rəhbərliyi ilə 1991-ci il dekabr ayının 16-da Ali Məclisdə “31 Dekabr Dünya Azərbaycan Türklərinin Həmrəylik və Birlik Günü haqqında”qərar edildi.. Bu tarixi zəririyyətdən yaranan qərarın qəbuli xüsusi əhəmiyyətli ictimai – siyasi, mənəvi bir hadisə kimi dünyaya yayıdı. Eyni zamanda hələ həmin tarixi hadisədən bir qədər əvvəl isə Heydər Əliyevin bilavasitə təşəbbüsu və rəhbərliyi ilə Azərbaycan Xalq Cümhuriyyətinin üçrəngli Dövlət bayrağı Ali Məclisin 1990-ci il noyabrın 17- də keçirilən sessiyasında Naxçıvan Muxtar Respublikasının Dövlət bayrağı olaraq təsdiq edilmişdi.Həm də Naxçıvan Muxtar Respublikasının Ali Məclisi Azərbaycan SSR Ali Soveti qarşısında üçrəngli bayrağın Azərbaycanın rəsmi dövlət rəmzi kimi qəbul edilib tanınması haqqında vəsatət qaldırmışdı.Bu barədə bir qədər geniş və ürək dolusu danışmağa dəyər! Burada Heydər Əliyev fenomeni bir daha özünü göstərirdi;Azərbaycan Respublikasının mərkəzi dövlət hakimiyyətindən müvəqqəti olaraq kənarda olan,həmişə cəsarətli, qorxmaz, vətəninin təəssübünü, müqəddəsliyini həmişə mərdliklə,qürurla çəkən Heydər Əliyev Azərbaycan Xalq Cümhuriyyətinin üçrəngli Dövlət bayrağına olan böyük ehtiramını, məhəbbətini rəsmi şəkildə bildirirdi.Vətəninə, xalqına və dövlətinə əsl məhəbbətin bariz nümunəsi budur.Yəqin ki, indi yetişməkdə olan vətənpərvər, qədirbilən gənclər və gələcək nəsillər bu nadir hadisəni unutmayacaq,həmişə qədirbilənliklə yad edəcəklər.O da uzun illər yaddaşlarda tez-tez çözələnəcək ki, hələ 1990- cı ilin 17 noyabr tarixində keçmiş SSRİ ərazilərində ilk dəfə, təkrar edirəm ilk dəfə bir muxtar respublikanın adından “sovet” və “sosialist”sözlərini çıxardan da Naxçıvan Muxtar Respublikası olmuşdur.
Bu günkü azadlığımızın, müstəqilliyimizin banisi heç şübhəsiz ki, Ulu Öndərimiz Heydər Əliyevdir. Bircə bu faktı misal gətirməklə onun aşağıdakı sözlərini xatırlamaqla əbədiyaşar rəhbərimizin ruhunu bir daha şad etmiş olarıq: -“Mən yeni ittifaqa daxil olmağın və bunun üçün referendum keçirməyin heç bir şərt qoymadan əleyhinəyəm.Azərbaycan Respublikası iqtisadi və siyasi müstəqillik yolu ilə getməli, tam istiqlaliyyət uğrunda mübarizə aparmalıyıq ”Proqram xarakterli bu mesaj Azərbaycan xalqına doğru və müstəqillik yolunun göstəricisi idi. Çox az bir müddətdən sonra bütün dünya görüb şahid oldu ki, Naxçıvan Muxtar Respublikasının üzərində bərq vuran üçrəngli müstəqillik bayrağı 1991 –ci ilin fevral ayının 5 də Azərbaycan Respublikasının səmasında dalğalandı!
Beləliklə, 1991-ci ilin 3 sentyabr tarixi hadisəsi, - Ülu Öndərin Naxçıvan Ali Məclisinin Sədri seçilməsi təkcə Muxtar Respublikanın qurtuluşunu, dirçəlişini və vətəndaş həmrəyliyini yox, Azərbaycanın bütün guşələrini öz doğma isti ağuşuna aldı.
Bütünlüklə Xalqa, Vətənə həsr olunmuş bir mənalı ömrün rəngarəng, dolu səhifələri vərəqlənməyə başladı.Azərbaycan xalqının əbədi, solmaz,saralmaz ömür kitabına çevrilən bu ömür kitabının ilk səhifələri belə başlayırdı: “-Bu zamanın, bu dəqiqələrin, bu saatın hökmünü nəzərə almaya bilməzdim...Xalqın bu əhval-ruhiyyəsini, tələblərini nəzərə alaraq bütün məsələləri götür-qoy etdim. Mən öz taleyimi xalqa tapşırmışam və xalqın iradəsini, yəqin ki, indi bu müddətdə bu çətin dövrdə yerinə yetirməliyəm.!”
XALQA BAĞIŞLANAN ÖMÜR HEÇ VAXT BİTMƏYƏCƏK, HEÇ ZAMAN TÜKƏNMƏYƏCƏK, -ÇÜNKİ HEYDƏR ƏLİYEVİN ÖMRÜ AZƏRBAYCAN XALQININ ÖMRÜ QƏDƏRDİR!
