Prezident  İlham  Əliyevin  himayəsi  altında  və  Nizami  Gəncəvi  Beynəlxalq  Mərkəzinin  təşkilatçılığı  ilə  iyunun  16-da “Qlobal dünya  nizamına təhdidlər” mövzusunda IX Qlobal  Bakı  Forumu işinə  start verib. Forumda  dünyanın  50-dən  çox  ölkəsindən  nüfuzlu  qonaqlar  iştirak  edib.

Tədbirdə Azərbaycan  Respublikasının  Prezidenti  İlham  Əliyev geniş və əhatəli nitqi ilə çıxış etmişdir.  Dövlət başçısı postmünaqişə dövrü ilə bağlı regionda baş verməkdə olan reallıqlardan söz açıb. Ermənilər son 30 ildə xəyallarla yaşadılar. Onlar bölgədə təsir imkanları olan böyük dövlətlərə sığınaraq müstəqil ölkə yox, geosiyasi alət olmağı seçdilər və müstəqil qərar qəbul edərək sərbəst hərəkət edə bilmədilər. Vətən müharibəsinin qalibi- Azərbaycan sülhdən danışdığı halda İrəvan küçələrində nümayişə çıxanlar qisasdan danışır. Onlar qisasdan danışmağı davam edərsə, “Dəmir yumruq” yenə də onların başı üzərində olacaq.

Prezident İlham Əliyev çıxışında demişdir: “Ermənistan da görməlidir ki, o bizim planlarımızı əngəlləyə bilməz. Əgər Zəngəzur üzərindən bizə keçid verməsə, özü itirəcək və birinci növbədə, 10 noyabr Bəyannaməsini pozmuş olacaq. Çünki 10 noyabr Bəyannaməsində açıq-aşkar yazılıb ki, Azərbaycanın qərb rayonları ilə Naxçıvan Muxtar Respublikası arasında əlaqə olmalıdır və bu, Ermənistanın öhdəliyidir. Əgər o öz öhdəliyini yerinə yetirmək istəmirsə, onda biz də hər hansı bir öhdəliyin yerinə yetirilməsi ilə bağlı heç bir məsuliyyət daşımayacağıq. Onlar bunu bilməlidirlər, vaxtı uzatmamalıdırlar”.  

Zəngəzur dəhlizi Ermənistanın xilas yoludur, qoy fikirləşsinlər, son 30 ildə nələri itirdilər və bundan sonra nə itirəcəklər. Ermənistan 10 noyabr razılaşmasına uyğun addımlar atmalıdır. Bu, rəsmi İrəvanın öhdəliyidir. Paşınyan hakimiyyəti mümkün qədər vaxtı uzatmağa çalışır.

Ermənistanın inkişafı Azərbaycan və Türkiyə ilə normal münasibətlərin qurulmasından keçir. Ermənistan inkişaf etmək istəyirsə, Azərbaycanla sülh müqaviləsi imzalamalıdır. Əgər bunu istəmirlərsə, “Dəmir yumruğu” başlarının üzərində görəcəklər.

Biz Azərbaycan gəncləri ölkə Prezidentinin daxili və xarici siyasətini tam dəstəkləyirik.

Camalxan Xanbutov,
Xətai rayonu Zaur Məmmədov adına 171 nömrəli  tam оrta məktəbin rus dili və ədəbiyyat müəllimi,
YAP Neapol 8A ünvanında yerləşən ərazi partiya təşkilatının sədri