Slovakiya millisi Millətlər Liqasının qrup mərhələsinin 3-cü turunda Azərbaycanla oyuna 2 mütəxəssisin rəhbərliyi ilə çıxacaq.

“İki sahil” xəbər verir ki, bu barədə Slovakiya Futbol Assosiasiyasının rəsmi saytı məlumat yayıb. Komandaya qarşıdakı iki görüşdə Qazaxıstanla matçdan sonra (0:1) istefaya göndərilən Ştefan Tarkoviçin əvəzinə  Samuel Slovak və Marek Mintal rəhbərlik edəcək. Yığmanın yeni baş məşqçisinin adına isə yay aylarında aydınlıq gələcək.

Qeyd edək ki, Slovakiya millisi iyunun 10-da Azərbaycanın, 3 gün sonra Qazaxıstanın qonağı olacaq.