22 may  2022-ci il tarixində Brüsseldə işgüzar səfərdə olan Azərbaycan  Respublikasının Prezidenti İlham Əliyevin Avropa İttifaqı (Aİ) Şurasının Prezidenti  Şari Mişel ilə təkbətək görüşün  və Ermənistan  Baş naziri Nikol Paşinyan arasında  keçirilən üçtərəfli  görüşdə əldə olunan razılaşma böyük əhəmiyyət daşıyır. Görüşdə  Prezident İlham Əliyev Şari Mişelin Ermənistan ilə Azərbaycan arasında Sülh müqaviləsinin hazırlanması, iki ölkənin münasibətlərinin normallaşdırılması, nəqliyyat dəhlizlərinin açılıması, sərhədlərin delimitasiyası və demakrasiyası prosesinə verdiyi dəstəyi yüksək qiymətləndirmişdir.  Bu formatda Avropa İttifaqının təşəbbüsü və vasitəçiliyi ilə üçüncü dəfədir ki,  görüşün keçirildiyini qeyd edən dövlətimizin başçısı Ermənistan ilə Azərbaycan arasında münasibətlərin normallaşdırılması və sülh müqaviləsinin imzalanması üçün Azərbaycan tərəfindən beynəlxalq hüquqa əsaslanan 5 prinsipin təqdim olunduğunu, bu prinsiplərin sülh müqaviləsinin hazırlanmasında əsas rol oynadığını vurğulayıb. Azərbaycan Prezidenti İlham Əliyev, həmçinin işğaldan azad edilmiş ərazilərdə mina problemi və Birinci Qarabağ müharibəsində itgin düşmüş hesab olunan 4 minə yaxın şəxsin taleyinə aydınlıq gətirilməsinin vacibliyini bir daha vurğulayıb. Cənab Prezident 10 noyabr Bəyənatının  bütün müddəalarının Ermənistan tərəfindən icra olunmasının zəruriliyini qeyd edib.

Avropa  İttifaqı  Şurasının Prezidenti Şari Mişel Azərbaycan Respublikasının Prezidenti İlham Əliyev və Ermənistan Respublikasının baş naziri Nikol Paşinyan ilə keçirilmiş görüşün yekunlarına dair mətbuata açıqlama verib. Aşağıdakı nəticələrin əldə olunduğu qeyd olunub. Sərhəd məsələləri ilə bağlı sərhəd komussiyalarının yaxın günlərdə birinci iclasının dövətlərarası sərhəddə keçirilməsi razılaşdırılıb.  Bu razılaşmanın reallaşdırılması üçün  Azərbaycan tərəfindən müvafiq addım atıldı.  Cənab  Prezident İlham Əliyev tərəfindən 23.05 2022-ci il tarixdə “Azərbaycan Respublikası ilə Ermənistan Respublikası arasında dövlət sərhədinin delimitasiyası üzrə Dövlət Komissiyasının yaradılması haqqında”  Sərəncam imzalanıb. Sərəncama əsasən, Azərbaycan Respublikası ilə Ermənistan Respublikası arasında dövlət sərhədinin delimitasiyası üzrə Dövlət Komissiyası yaradılıb.  Kommunikasiya ilə əlaqədar dövlət başçıları nəqliyyat əlaqələrinin açılması istiqamətində işlərin davam etdirilməsi zərurəti üzərində razılığa gəliblər. Azərbaycanın qərb hissəsi ilə Naxçıvan və Azərbaycan ərazisindən Ermənistanın müxtəlif hissələri arasında tranzitləri, habelə iki ölkənin kommunikasiya infrastrukturu vasitəsilə beynəlxalq nəqliyyat daşımalarını tənzimləyəcək prinsiplər üzərində pazılığa gəlinib. Sülh sazişi ilə əlaqədar hər iki dövlət başçısı Ermənistan və Azərbaycan arasında dövlətlərarası münasibətləri tənzimləyəcək gələcək Sülh müqaviləsinə dair müzakirələrin davam etdirilməsi barədə razılığa gəliblər. Bürüssel görüşüdə əldə olunan razılaşmalar ümumilikdə Azərbaycanın maraqlarına tam  uyğun olduğunu göstərir.  Bütün bular deməyə əsas verir ki, Aİ   Vətən müharibəsi zamanı Azərbaycanın qələbəsi nəticəsində yaranmış yeni reallıqları qəbul edir  və Azərbaycan Respublikasının Prezidenti cənab İlham Əliyevin rəhbərliyi ilə müəyyənləşdirilən və həyata keçirilən balanslaşdırılmış, dərindən düşünülmüş strateji siyasət  öz  nəticələrini verir və  keçirilən görüşdə əldə olunan razılaşmalar iki ölkə arasında sülh müqaviləsinin bağlanmasına ümidlər bir qədər də artmışdır.

Rauf Əliyev,

Milli Məclisin deputatı