Qazaxıstanın Millətlər Liqasının qrup mərhələsində Azərbaycan və Slovakiya ilə ev oyunlarının yeri və dəqiq vaxtı müəyyənləşib.

“İki sahil”in yerli mətbuata istinadən məlumatına görə, qazaxıstanlılar mövsümün ilk matçını iyunun 3-də millimizə keçirəcək.

Həmin oyun paytaxt Astanada yerləşən “Astana Arena”da olacaq. Bundan 10 gün sonra Slovakiya ilə matç da eyni məkanda baş tutacaq. Hər iki görüş yerli vaxtla saat 20:00-da (Bakı vaxtı ilə) start götürəcək.

Qeyd edək ki, Millətlər Liqasında C Liqasının III qrupunda yer alan Azərbaycan yığması Qazaxıstan, Slovakiya və Belarusla qarşılaşacaq.