Ukraynanın “Şaxtyor” klubu Türkiyə təmsilçiləri ilə yoxlama oyunu keçirəyi planlaşdırır.

“İki sahil” xəbər verir ki, bu barədə Donetsk təmsilçisinin direktoru Dario Srna yerli mətbuata açıqlamasında bildirib. O, aprelin 13-də “Beşiktaş”, 19-da isə “Fənərbağça” ilə qarşılaşacaqlarını söyləyib. Oyunlardan əldə ediləcək gəlir Ukraynadakı müharibədən əziyyət çəkən insanlara yardım üçün xərclənəcək.

Xatırladaq ki, artıq 1 aydan artıqdır ki, Rusiya qoşunlarının hücumuna görə Ukraynada bütün idman yarışları, o cümlədən futbol dayandırılıb.