"İnter" klubunun futbolçusu Aleksis Sançes İtaliya Super Kubokunda yeni rekorda imza atıb.
“İki sahil” xəbər verir ki, 34 yaşlı hücumçu buna "Yuventus"u 2:1 hesabı ilə məğlub etdikləri görüşdə yiyələnib.
120+1-ci dəqiqədə komandasına qələbə qazandıran çilili forvard turnir tarixinin ən gec qoluna imza atıb.
Əvvəlki rekorda Qonsalo İquaina məxsus olub. O, 2014-cü ildə "Napoli"də çıxış edərkən 118-ci dəqiqədə "Yuventus"u məyus edib. Daha sonra Neapol təmsilçisi penaltilər seriyasında qələbə qazanıb - 6:5.
Qeyd edək ki, "İnter" tarixində 6-cı dəfə İtaliya Super Kubokuna sahib çıxıb.
