Azərbaycan idmançılarının 2021-ci ildə qazandığı medalların sayı açıqlanıb.

“İki sahil” xəbər verir ki,  Azərbaycan Gənclər və İdman Nazirliyindən verilən məlumatına görə, başa çatmaqda olan il ərzində qitə və dünya çempionatlarında, kubok yarışlarında, Qran-pri və digər nüfuzlu beynəlxalq yarışlarda ümumilikdə, 519 medal qazanılıb.

Bu medallardan 179-u qızıl, 147-si gümüş və 193-ü bürüncdür. Olimpiya növlərində 227 (62 qızıl, 62 gümüş, 103 bürünc) mükafat əldə olunub.

İdmançılarımız qeyri-olimpiya növlərində 292 (117 qızıl, 85 gümüş, 90 bürünc) dəfə fəxri kürsüyə qalxıb.