Braziliya millisinin və Fransanın PSJ klubunun futbolçusu Neymar karyerasında 400-cu və 401-ci qoluna imza atıb.

“İki sahil” xəbər verir ki,  29 yaşlı hücumçu Fransa Liqa 1-in XIII turunda "Bordo"ya 3:2 hesabı ilə qalib gəldikləri qarşılaşmada dubl edib.

O, bütün turnirlərdə Paris təmsilçisində 90, ölkəsinin "Santos" klubunda 136, İspaniya "Barselona"sında 105 və Braziliya yığmasında 70 dəfə fərqlənib.

Neymar PSJ-nin tarixində bombardirlər siyahısında 8-ci pilləyə yüksəlib. O, komanda yoldaşı Anxel Di Mariyanı (89 qol) üstələyib.