“Barselona”da daha bir ayrılıq baş verib.

“İki sahil” xəbər verir ki, köməkçi məşqçi Henrik Larsson postundan gedib.

Kataloniya klubunun və İsveç millisinin əfsanəvi hücumçusu yenicə istefa verən baş məşqçi Ronald Kumanın köməkçisi idi. O, vəzifəsindən getdiyini özü açıqlayıb: “Bu hekayə başa çatdı. Daha deməyə sözüm yoxdur”.

Qeyd edək ki, “Barselona”nın məşqçilər korpusuna ötən ilin avqustunda qoşulan Henrik Larssonun müqavilə müddəti mövsümün sonuna qədər idi.