Avstriya kuboku matçında xoşagəlməz hadisə yaşanıb.

“İki sahil” xəbər verir ki, "Linz"in futbolçusu Rafael Dvamen 1/8 final mərhələsində "Hartberq"lə oyun zamanı huşunu itirib. Hücumçunun infarkt keçirdiyi bildirilib. Ağırlaşma zamanı oyunçunun ötən il yenidən quraşdırılan implantasiya edilmiş defibrilator işə salınıb. Qanalı futbolçu daha əvvəl ürəyindəki problemlərə görə karyerasını bitirmişdi. O, 2019-cu ilin oktyabrından bir il müddətinə sıradan çıxmışdı.

Qeyd edək ki, 2017-ci ildə ürək aritmiyasının olduğunu aşkarlanan Rafael Dvamenin həmin vaxt "Brayton"a keçidi məhz bu üzdən baş tutmayıb.