Gürcüstanda 18 Oktyabr - Azərbaycanın Müstəqilliyinin Bərpası Gününün 30-cu ildönümü münasibətilə keçirilən marafonun qadın iştirakçıları arasında da qalib məlum olub.

“İki sahil” xəbər verir ki, Ketevan Samsonadze qaçış məsafəsini qadınlar arasında ilk qət edib.

O, qadın yarışçılar arasında birinci yeri tutduğundan sevinc hissi keçirdiyini deyib. Marafonçu dost Azərbaycan xalqını Müstəqillik Günü münasibətilə təbrik edib və yarış təşkilatçılarına təşəkkürünü bildirib.

Yarış iştirakçılarının hamısı finiş xəttini keçəndən sonra Rustavidə Heydər Əliyev adına parkda qaliblərin mükafatlandırılması mərasimi keçiriləcək.

Xatırladaq ki, 30 kilometrlik məsafəli Tbilisi-Rustavi marafonuna yerli vaxtla saat 10:05-də Heydər Əliyev adına parkın yaxınlığından start verilib. Qaçışa 300-ə yaxın iştirakçı qatılıb.