Bakıya ilk dəfədir gəlirəm. Artıq şəhər turuna da çıxmışıq. Bakı çox gözəl şəhərdir. Həm şəhəri, həm də insanlarını çox sevdim.

“İki sahil” xəbər verir ki, bunu Bakıda təlim-məşq toplanışında olan bədii gimnastika üzrə Kosta-Rika yığmasının üzvü Emma Munoz Benavides deyib.

Gimnast bildirib: “Milli Gimnastika Arenasında məşq etməyi çox sevirəm. Bura çox gözəldir, şərait isə inanılmaz dərəcədə möhtəşəmdir. Gələn il Mərkəzi Amerika Oyunlarında iştirak edəcəyəm. Bu hazırlıq prosesi mənim üçün çox vacibdir."