Fransanın PSJ klubunun ulduz futbolçusu Lionel Messi yeni rekordla Çempionlar Liqasının tarixinə düşüb.

“İki sahil” xəbər verir ki, 34 yaşlı hücumçu buna Parisdə İngiltərə "Mançester Siti"sinə 2:0 hesabı qalib gəldikləri qrup mərhələsinin II tur oyununda nail olub.

Komandasının ikinci qoluna imza atan argentinalı forvard turnirdə ardıcıl 17 mövsümdə fərqlənə bilib.

Beləliklə, o, İspaniya "Real Madrid"ində çıxış edən Kərim Benzemanın uğurunu təkrarlayıb.