Moldova hökuməti Ukrayna ilə hərbi-texniki əməkdaşlıq haqqında müqaviləni təsdiqləyib. Saziş çərçivəsində Kiyev respublika ilə hərbi texnologiyalarını bölüşə və ona dronlar tədarük edə biləcək.

“İki sahil” xəbər verir ki, bu qərar "Facebook" sosial şəbəkəsində yayımlanan Nazirlər Kabinetinin iclasında qəbul edilib.

Sənəd ölkə parlamenti tərəfindən də təsdiqlənməlidir. Müqaviləyə əsasən, tərəflər həmçinin hərbi texnikanın hazırlanması, modernləşdirilməsi və ona texniki xidmət göstərilməsi, eləcə də hərbçilərin hazırlanması sahəsində əməkdaşlıq edəcəklər. Respublika Baş naziri Vasile Tofanın şərhinə görə, müqavilə çərçivəsində Moldova məhz "dron ələkeçiriciləri də daxil olmaqla texnologiyalara çıxış əldə etməkdə" maraqlıdır.

Sazişin imzalanması ilə bağlı parlament müxalifəti narahatlığını ifadə edərək, bu müqaviləni konstitusiyada təsbit olunmuş neytrallıq statusunun pozulması adlandırıb.