Azərbaycan Dillər Universitetinin (ADU) İngilis və fransız dilləri fakültəsində “Xarici dil müəllimliyi (ingilis dili)” ixtisası üzrə IV kursda təhsil alan İlkay İsazadə Türkiyənin İstanbul şəhərində “ICT Basic Tools for Gamification and 21st Century Skills” adlı təlim kursunda iştirak edib.

2026-cı il 24–29 avqust tarixlərində Europass Teacher Academy tərəfindən təşkil olunan təlim çərçivəsində öyrənmə prosesinin daha interaktiv, cəlbedici və şagirdyönümlü şəkildə təşkili üçün müasir yanaşmalar araşdırılıb.

Təlim zamanı oyunlaşdırmanın tədris prosesində tətbiqinin şagird motivasiyasına, iştirakına və fəal öyrənməsinə təsiri öyrənilib. Bununla yanaşı, Genially, Plickers, Mentimeter, TED-Ed, Canva, Padlet və Kahoot! GO kimi müxtəlif rəqəmsal alətlərlə tanış olunub və onların tədris prosesinə interaksiya, əməkdaşlıq, yaradıcılıq, qiymətləndirmə və şagird fəallığını dəstəkləyəcək şəkildə necə inteqrasiya oluna biləcəyi araşdırılıb.