"Latsio" azarkeşləri klub prezidenti Klaudio Lotitoya etiraz olaraq mövsümlük abunəlikləri kütləvi şəkildə yeniləməkdən imtina ediblər.

“İki sahil” xəbər verir ki, "L’Équipe" nəşrinin məlumatına görə, ilk satış mərhələsinin yekununda əvvəlki abunə sahiblərindən cəmi 2 mindən bir qədər çox azarkeş biletlərini yeniləyib. Müqayisə üçün, ötən il bu göstərici 29 918 idi. Beləliklə, yenilənən abunəliklərin sayı təxminən 93 faiz azalıb.

Bildirilir ki, azarkeşlər yanvar ayından etibarən ev oyunlarını boykot edir və 2004-cü ildən kluba rəhbərlik edən Klaudio Lotitonun istefasını tələb edirlər.

Qeyd edək ki, klubun satılması ilə bağlı petisiyanı artıq 45 minə yaxın şəxs imzalayıb.