Bu ilin yanvar-iyun aylarında Azərbaycan Türkiyədən 268,256 milyon ABŞ dolları dəyərində kimyəvi maddələr və məhsullar idxal edib.

“İki sahil” Türkiyə İxracatçılar Məclisinə istinadən xəbər verir ki, bu, 2025-ci ilin eyni dövrü ilə müqayisədə 3,3 % çoxdur.

İyunda Türkiyə Azərbaycana 50,821 milyon ABŞ dolları dəyərində kimyəvi maddələr və məhsulları ixrac edib ki, bu da 1 il əvvələ nisbətən 24,2 % çoxdur.

Yanvar-iyun aylarında Türkiyənin kimyəvi maddələr və məhsulları ixracının ümumi dəyəri illik müqayisədə 8,6 % artaraq 17,101 milyard ABŞ dollarına, iyunda isə 26,8 % artaraq 3 milyard 290 milyon ABŞ dollarına çatıb.

Türkiyədən ən çox idxalı İspaniya 1 milyard 092,12 milyon ABŞ dolları (1 il əvvələ nisbətən 66,1 % çox), İtaliya 1 milyard 053,937 milyon ABŞ dolları (+13,5 %) və ABŞ 725 milyon ABŞ dolları (+26 %) dəyərində həyata keçirib.