Ölkənin müxtəlif regionlarında iqtisadiyyatın prioritet istiqamətləri üzrə fəaliyyət göstərən sahibkarlar Azərbaycan Biznesinin İnkişafı Fondunun (ABDF)  güzəştli kreditlərindən yararlanaraq bizneslərini inkişaf etdirirlər.

“İki sahil” xəbər verir ki, 2026-cı ilin ilk 6 ayı ərzində Azərbaycan Biznesinin İnkişafı Fondu tərəfindən sahibkarlara 3004 layihə üzrə maliyyə dəstəyi göstərilib. Bu çərçivədə sahibkarlar ümumilikdə 136,5 milyon manat həcmində güzəştli kreditdən yararlanıb.

Qeyd edək ki, ABDF-in güzəştli kreditləri illik faiz dərəcəsi 5%-dək olmaqla təqdim olunur və 5 ilədək güzəşt müddəti tətbiq olunur. Bu əlverişli şərtlər sahibkarların maliyyə yükünü azaltmaqla onların investisiya imkanlarını genişləndirir, biznes fəaliyyətinin inkişafını və regionlarda iqtisadi aktivliyin artmasını dəstəkləyir.