Braziliya futboluna yüksək səviyyəli oyunçuların gəlməsinə ehtiyac var.

“İki sahil” xarici mediaya istinadla xəbər verir ki, bunu adıçəkilən milli komandanın baş məşqçisi Karlo Ançelotti DÇ-2026-nın 1/8 final mərhələsində Norveçə qarşı keçirilən oyundan sonra deyib.

Mütəxəssis məğlubiyyətin səbəblərindən danışıb:

"Başlanğıcda bizə elə gəlirdi ki, oyuna nəzarət edirik və imkanlar yaradırdıq. Güclü təzyiq göstərmək çətin idi. Çünki Norveç müdafiədə tam şəkildə geri çəkilmişdi, həddindən artıq təzyiq isə risk daşıyırdı.

Bizə gənc istedadlar lazımdır, Braziliya futboluna yüksək səviyyəli oyunçuların gəlməsinə ehtiyac var. Düşünürəm ki, pis çıxış etmədik, amma bu futboldur. Bəzən məğlubiyyətlə barışmaq lazımdır".

Qeyd edək ki, Norveç Braziliya millisinə 2:1 hesabı ilə qalib gələrək 1/4 finala yüksəlib.