Avropa İttifaqı ölkələri Ukraynadan olan hərbi çağırış yaşında olan kişilər üçün təqdim edilən müvəqqəti müdafiə statusunun ləğv edilməsi imkanını müzakirə edir.

“İki sahil” xəbər verir ki, bu barədə "Euractiv" Avropa İttifaqı Şurasının daxili sənədlərinə istinadla məlumat yayıb.

Sənədlərə əsasən, müzakirə olunan təkliflərə görə, müvəqqəti müdafiə sistemindən hərbi xidmət yaşında olan kişilərin və həmçinin Ukrayna ərazisini qeyri-qanuni şəkildə tərk edən şəxslərin çıxarılması nəzərdən keçirilir.

Bu dəyişikliklər qəbul olunarsa, həmin kateqoriyaya daxil olan şəxslərin Aİ ölkələrində mövcud olan xüsusi qorunma statusunu itirməsi mümkündür.

Avropa İttifaqında bu məsələ hazırda ilkin müzakirə mərhələsindədir və yekun qərar qəbul olunmayıb.