Gənclərin ictimai proseslərə fəal şəkildə qoşulması və onların təşəbbüslərinin dəstəklənməsi dayanıqlı gələcəyin formalaşdırılmasında mühüm rol oynayır.

“İki sahil” xəbər verir ki, bu fikirləri Mərkəzi Asiya üzrə Regional Ekoloji Mərkəzin (CAREC) nümayəndəsi Orazgül İsgəndərova Türk Dövlətləri Təşkilatına üzv ölkələrin qeyri-hökumət təşkilatlarının II Əməkdaşlıq Forumunda çıxışı zamanı səsləndirib.

O bildirib ki, gənclərin və onların təşəbbüslərinin dəstəklənməsi vətəndaş cəmiyyətinin inkişafına mühüm töhfə verir.

“Gənclərin ictimai proseslərdə iştirakı onların dəyişikliklərin aparıcı qüvvəsinə çevrilməsinə kömək edir. Mən əminəm ki, gələcəyin dayanıqlı inkişafında məhz gənclərin fəal iştirakı xüsusi rol oynayacaq”, – deyə Orazgül İsgəndərova vurğulayıb.

Orazgül İsgəndərova son illərdə Türk dünyasında gənclərin vətəndaş cəmiyyəti, ekologiya və təhsil sahəsində həyata keçirilən təşəbbüslərdə fəal iştirak etdiyini diqqətə çatdırıb.