ABŞ Hörmüz boğazının bağlanması səbəbindən yanacaq qıtlığı yaşayan ölkələrin xahişi ilə Rusiya və İran neftinin dəniz yolu ilə tədarükünə tətbiq edilən sanksiyaların yumşaldılmasını 30 gün müddətinə uzadıb.

“İki sahil” "The Times of Israel"ə istinadən xəbər verir ki, bu barədə ABŞ-ın maliyyə naziri Skott Bessent Senatın komitə dinləmələrində bildirib.

Onun sözlərinə görə, Beynəlxalq Valyuta Fondu və Dünya Bankının bu yaxınlarda keçirilən görüşləri zamanı 10-a yaxın ölkəyə müvafiq müraciət göndərilib.

Daha əvvəl Bessent bu güzəştləri uzatmaq niyyətində olmadığını bildirib.