Martın 2-də Bakı Slavyan Universitetində Azərbaycan xalqının Ümummilli Lideri Heydər Əliyevin təşəbbüsü ilə universitetdə polyak dilinin tədrisinin əsasının qoyulmasının 30 illiyinə həsr olunmuş “Dil – dialoq məkanı kimi: Azərbaycan–Polşa münasibətləri” mövzusunda keçirilən konfrans çərçivəsində BSU ilə Adam Mitskeviç Universiteti və Sileziya Universiteti arasında Əməkdaşlıq memorandumu imzalanıb.

“İki sahil” xəbər verir ki, memorandum birgə tədbirlərin, konfrans və layihələrin həyata keçirilməsini, eləcə də müəllim və tələbə mübadiləsinin təşkili və inkişafını nəzərdə tutur.

Sənəd tərəflər arasında elmi-tədqiqat və təhsil sahəsində əməkdaşlığın genişləndirilməsinə xidmət edəcək.