Rusiya aviaşirkətləri İran və İsrail hava məkanının bağlanması səbəbindən Fars körfəzi ölkələrinə uçuş marşrutlarını dəyişdirib.

“İki sahil” xəbər verir ki, bu barədə “Rosaviasiya” açıqlama yayıb. Yeni marşrutlar uçuşların təhlükəsizliyini təmin etmək üçün aviaşirkətlər tərəfindən Rusiya Nəqliyyat Nazirliyi və Federal Hava Nəqliyyatı Agentliyi ilə məsləhətləşmələr əsasında əvvəlcədən hazırlanıb. Marşrutların məsafəsinin artması səbəbindən uçuş vaxtlarının artırılması gözlənilir.

Qeyd olunur ki, zərurət yarandıqda, uçuşlar birləşdirilə və iritutumlu təyyarələrdə həyata keçirilə bilər. İsrail və İrana fərdi Rusiya reyslərinin ləğvi də istisna edilmir.

Aviaşirkətlər sərnişinləri mümkün cədvəl dəyişiklikləri barədə öz rabitə kanalları vasitəsilə məlumatlandıracaq.