Azərbaycanın 21 yaşadək futbolçulardan ibarət yığması təlim-məşq toplanışına start verib.

“İki sahil” xəbər verir ki, 2026-cı ilin ilk məşqləri Mərdəkanda yerləşən Milli Komandaların Təlim-Məşq Mərkəzində baş tutur.

Rəşad Eyubovun baş məşqçisi olduğu komanda hazırlıq çərçivəsində iki yoxlama oyunu keçirəcək. U-21-in yanvarın 16-da "Səbail", 17-də isə "Şamaxı" ilə qarşılaşması planlaşdırılır.

Qeyd edək ki, təlim-məşq toplanışı yanvarın 17-dək davam edəcək.