Səudiyyə Ərəbistanının "Əl-Nəsr" futbol klubunun və Portuqaliya millisinin hücumçusu Kriştianu Ronaldu 2025-ci ildə vurduğu qolların sayını 40-a çatdırıb.
“İki sahil” xəbər verir ki, o, bunu ötən gün ölkə çempionatının XI turunda "Əl-Uxdud" komandası ilə matçda dubl etməklə bacarıb. 40 yaşlı futbolçu karyerasında 14-cü dəfə bir mövsümdə vurduğu qolların sayını 40-a çatdırıb.
Ronaldu daha əvvəl 2010-2018, 2020-2021 və 2023-2025-ci illər mövsümlərində buna nail olub. Onun ən yaxşı nəticəsi 2013-cü ildə, 63 qol olub.
Qeyd edək ki, Ronaldu karyerası ərzində ümumilikdə 956 qol vurub.
