Avropa İttifaqı ilə Hindistan arasında azad ticarət sazişi "basmati" düyü adından istifadə hüququ ilə bağlı mübahisə nəticəsində pozula bilər.

“İki sahil” xəbər verir ki, bu barədə "Financial Times" mənbələrə istinadla məlumat yayıb.

Hindistan "basmati" etiketindən yalnız öz ərazisində yetişdirilən düyü üçün istifadə etmək üçün müstəsna hüquqda israr edir. Çeşid digərlərindən tonu 200-300 dollar baha satılır. Yeni Dehli hələ 2018-ci ildə Aİ bazarında coğrafi göstəricinin qorunması üçün müraciət etmişdi. Bununla belə, 2023-cü ildə Pakistan rəqabətli ərizə verib və orada "basmati"nin Kəşmirdə də yetişdirildiyini göstərib. Pakistanın müraciətinin tanınması Pakistanın bu ərazilər üzərində suverenliyinin de-fakto tanınması demək olardı ki, bu da Hindistanda ciddi narazılıq yaradacaq.

FT yazır ki, Avropa Komissiyası hər iki müraciətə paralel olaraq baxır. Avropa rəsmilərinin fikrincə, Brüssel “vaxta oynayır”.

Aİ və Hindistan arasında azad ticarət sazişi üzrə danışıqlar 2007-ci ildən davam edir, lakin əqli mülkiyyət, tariflər və İT məlumatlarının təhlükəsizliyi ilə bağlı fikir ayrılıqları səbəbindən 2013-cü ildə dayandırılıb. Danışıqlar 2022-ci ildə bərpa olunub.