Qazaxıstan öz neftini “Drujba” kəməri ilə Macarıstana çatdırmaq imkanını nəzərdən keçirir.

“İki sahil” xəbər verir ki, bunu Qazaxıstanın energetika naziri Erlan Akkenjenov deyib.

Onun sözlərinə görə, bu, texniki cəhətdən mümkündür, lakin kommersiya şərtləri şirkətlər, xüsusən də KazMunayQaz tərəfindən razılaşdırılmalıdır.

“Bizim nazirlikdə belə bir funksiyamız yoxdur”, - deyə Akkenjenov “İnterfaks”a bildirib ki, əməkdaşlığın davam etdirilməsi ilə bağlı bütün suallar KazMunayQaz-a ünvanlanmalıdır.

Yayda Qazaxıstan neftinin sınaq partiyası Xorvatiya vasitəsilə Macarıstana göndərilib. 85 min tonluq bu çatdırılma MOL Group ilə əməkdaşlığın genişləndirilməsi çərçivəsində həyata keçirilib. Neft dəniz yolu ilə Novorossiysk limanından Xorvatiyanın Omisalj limanına, sonra isə Adriatik neft kəməri ilə Macarıstana çatdırılıb.